Фудбалерот на Реал Мадрид, Еден Азар ќе го пропушти претстојното „Ел Класико“ против Барселона заради повреда, соопшти кралскиот клуб.
Како што е наведено, Азар е надвор од тимот заради повреда на глуждот која ја доживеа во натпреварот од Лигата на шампиони против ПСЖ на 26 ноември.
Лекарските прегледи покажале дека неговата повреда на десната нога е посериозна отколку што се претпоставувало.
Белгиецот така ќе го пропушти своето прво „Ел Класико“, кое е закажано за 18 декември на Камп Ноу.
Азар во Реал пристигна ова лето од редовите на Челзи во трансфер вреден 100 милиони евра.