Нашето тело е механизам кој функционира совршено и дава знаци кога нешто не е како што треба. Стресот, брзиот живот, недоволниот сон и негативните ставови го исфрлаат организмот од рамнотежа и токму тоа може да биде причина за различни проблеми.
Многу е важно да ги препознаете знаците за да реагирате навреме. Овие неколку показатели укажуваат дека во вашиот организам има доста токсини:
1. Често ве мачи надуеност
Нашето тело треба секој ден да го исфрла отпадот, тоа вклучува празнење на цревата барем еднаш дневно. Ако не се исфрла отпадот, токсините се враќаат во крвотокот и можат да направат „хаос“.
Ако имате проблеми со столицата обидете се да пиете повеќе вода, вежбајте, користете пробиотик и слично.
2. Лош здив
Лошиот здив може да укаже на тоа дека сте полни со токсини. Може да настане поради бактерии во устата кои испуштаат мириси. Исто така укажува и дека вашиот црн дроб и цревата имаат проблеми со елиминација на токсините.
3. Ви сметаат мириси
Ако имате силни реакции на мириси како што се парфемите, можеби тоа е поради токсините во вашето тело. Често стануваме почувствителни на надворешни мириси ако нашиот црн дроб има проблем со елиминирање на различни токсини од телото. Кога патиштата за детоксикација се затворени, нашето тело и сетилата стануваат изострени и можат да предизвикаат реакции како главоболки и мачнини.
4. Вишокот килограми не се топи
Постојат многу причини за отпор при слабеење како хормонски дисбаланс, неправилна исхрана, но и токсини. Кога телото е преоптоварено со нив, слабеењето може да биде отежнато. Детоксикацијата на организмот може да помогне, но клучно е да ја намалите изложеноста на токсини.