Освен што ќе ви помогнат да го изгубите вишокот килограми, овие намирници позитивно ќе влијаат врз целокупното здравје, бидејќи се преполни со витамини
Кога ќе помислиме на јаглехидрати, обично првата асоцијација е дебелеење. Но јаглехидратите му се потребни на организмот и тие заедно со протеините и влакната го сочинуваат „светото тројство“ на нутриенти за добро здравје и совршена тежина.
Она што треба да го знаете е кои јаглехидрати да ги одберете и од кои проверено ќе ослабите!
Пченка
Прво и основно е тоа дека пченката мора да биде свежа. Онаа од конзерва не доаѓа предвид, бидејќи честопати е преполна со соли и шеќери. Второ правило е да ја јадете без масло и со минимална количина на сол. Ако ги почитувате овие две правила, овој здрав јаглехидрат ќе ви обезбеди влакна, јод, фосфор, магнезиум, калциум и железо, а притоа ќе го забрза и слабеењето.
Боранија
Најлесно и највкусно јадење со многу малку калории! Боранијата е вистинскиот лесен јаглехидрат идеален за вечера, дури и за доцен оброк, бидејќи го забрзува метаболизмот до максимум. Сиромашна е со калории, но богата со влакна, поради што долго ќе бидете сити. Исто така, содржи и многу протеини и корисни витамини.
Тестенини
Тестенините направени од дурум пченица нема да ѝ наштетат на вашата линија, освен ако не ги преварите. Бидете внимателни и со сосот – ако има премногу маснотии и сол, житарката тука ништо не може да помогне.
Леблебија
Нутриционистите велат дека речиси сите имаме постојан недостиг од неопходната количина на влакна. Леблебијата е производ која ќе ви помогне да се изборите со тоа. Освен тоа, богата е со растителен протеин, кој е одличен за срцето, и со манган, кој штити од прерано стареење.
Печурки
Содржат многу јаглехидрати, но и протеини и антиоксиданси кои помагаат да се неутрализира штетниот ефект на слободните радикали. За да се апсорбираат сите вредни нутриенти од печурките во телото, комбинирајте ги со месо или со житарки.