Половина од Пулмологија е пополнета со т.н. долг ковид пациенти, па од огромна помош ќе биде да се отворат амбуланти за нив, каде што ќе работат стручни лица од сите области и ќе им помагаат да ја нормализираат здравствената состојба, вели директорот на Клиниката за пулмологија д-р Дејан Докиќ.
Сè повеќе граѓани не можат глава да кренат од постковид компликации и од состојбата наречена долг ковид. Дури и половина година по добиениот негативен ПЦР-тест за присуство на коронавирусот во телото, многумина имаат здравствени проблеми. На удар се дишните патишта, психичкото здравје, но и осетот за мирис и вкус.