Пред 40 години, научници од 50 земји се собраа во Женева за да разговараат за тоа што тогаш се нарекуваше „климатски проблем со јаглерод диоксид“. Во тоа време, поради зависноста од гориво што доведе до нафтена криза во 1979 година, тие беа во можност да предвидат дека глобалното затоплување ќе стане голем еколошки проблем, пишува „Блумберг“.
Научниците се зафаќаат со работа и успеваат да формулираат предлози за решавање на проблемот, вклучително и започнување на Меѓувладини панел за климатски промени, најголемата организација која ги собира научниците за клима. Нивната цел беше да се справат со климатските промени пред да биде предоцна. Но, по ветувачкиот почеток, напорите на нафтената и другите индустрии на фосилни горива, како и на политичарите кои го ставаат економскиот раст над здравјето на планетата, успеаја да ги успорат. Сега, четири децении подоцна, поголема група научници покренуваат друг, многу поитен, проблем – пренаселувањето.
Повеќе од 11.000 научници ширум светот бараат критички важен додаток во стратегијата за замена на фосилните горива со обновлива енергија – а тоа е дека на планетата и се потребни многу помалку луѓе.
„Изјавуваме, со повеќе од 11.000 потписи собрани ширум светот, јасно и недвосмислено дека планетата Земја се соочува со климатска криза што повикува на итна акција“, напишаа научниците во строгото предупредување објавено во списанието „BioScience“.
Додека предупредувањата за ефектите од климатските промени веќе се вознемирувачки за просечниот читател, гледач и слушател ширум светот, ова последно соопштение е исклучок, со оглед на податоците што го придружуваат. Изложени последователно, тие ја покажуваат катастрофалната насока во која се движи здравјето на планетата. Потрошувачката на месо, емисии на стакленички гасови, топење на глечерите, зголемување на нивото на океанот и екстремни климатски појави – сите сликаат мрачна слика за 40 години потрошени можности.
Научниците ги повикуваат политичарите и државниците брзо да наметнат системски промени во енергијата, исхраната и економската политика. Покрај тоа, тие се еден чекор понапред – во политички опасната тема за контролата на раѓањето.
„Треба да се стабилизира и, идеално, постепено да се намалува – во рамки што ќе обезбеди социјален интегритет“, напишаа истражувачите.
„Ние сме охрабрени од сегашното кревање на тревогата“, се вели во писмото.