„Кога почнав да играм кошарка, Марин Докузовски ме избрка од првиот тренинг затоа што сум доцнел. Тогаш по 80 деца како лубеници нè избираа кој го бидува а кој не. Еден ден стигнав да играм во НБА, ама она што го направивме со Македонската репрезентација во 2011 е нешто на кое најмногу се гордеам. И тогаш го истетовирав македонското знаме на градите“, вели Перо Антиќ, чија кошаркарска приказна му донесе сешто во животот.
Деновиве, Антиќ беше гостин во Репортер, а во рамки на интервјуто покрај кариерата, зборуваше и за својот приватен живот и откри дека е заљубен.
„Навистина сум среќен“, откри Антиќ.