Уште еден спектакуларен „Супер бол“ се одржа синоќа во Мајами, но овој пат во центарот на вниманието беа Џенифер Лопез и Шакира кои настапуваа на полувремето.
Традиционално е познатите ѕвезди да настапат на полувремето од најпопуларниот натпревар во САД. Џенифер Лопез и Шакира оставија многумина без текст со своите движења и песни.
Тие навистина направија вистински спектакл на сцената, а покрај танцувањето во стомакот, видовме и мал стриптиз настап со кој Џеј Ло ја зашемети машката публика на Хард рок стадионот.
Нивниот настап на Јутуб веќе има над шест милиони прегледи, иако тоа беше пред само неколку часа.