Српскиот актер Милош Биковиќ и неговата вереница Ивана Малиќ станаа родители на машко дете. Како што објавија српските медиуми, сѐ поминало во најдобар ред, а мајката и детето се во добра здравствена состојба.
Биковиќ пресреќен радосната вест ја објави на својот профил на Инстаграм, каде сподели интересен цртеж – татко, мајка и дете, со кој сакаше да покаже дека нивното семејство е богато за уште еден член.
Инаку актерот и неговата избраничка Милош Биковиќ и Ивана Малиќ се во врска нешто повеќе од две години.
Биковиќ за првпат ја претстави својата девојка пред јавноста на премиерата на неговиот филм „Јужен ветер 2 во 2021 година.