Иако во 10-тиот месец од годинава ќе наполни 60 години, Лепа Брена сè уште се обидува да остане во врвна форма, а резултатите се многу видливи. Легендарната пејачка летува во Монако со сопругот Боба Живојиновиќ, а синоќа објави фотографија на Инстаграм на која може да и позавидат и доста помлади од неа.
Брена позираше во долна облека и широка кошула и ги покажа нозете што ја направија позната во осумдесеттите години на минатиот век.
Дека таа сè уште има затегнато тело е јасно на прв поглед, а сексипилната фотографија доби повеќе од 10.000 лајкови за само неколку часа.
„Не мразете луѓе кои се завидливи затоа што така признаваат дека вие сте подобри“, напиша Брена во описот на фотографијата цитирајќи ја Моника Белучи.