Во Приштина во организација на Алијансата за иднината на Косово денеска се одржаа протести на кои е побарано враќање на лидерот на таа партија и поранешен премиер Рамуш Харадинај од Франција, каде тој се наоѓа поради судски процес, врз основа на потерница од Србија која го товари за извршени наводни воени злосторства на Косово во периодот 1998-1999 година.
Протестот го подржаа и другите опозициски партии на Косово. Од задржувањето на Харадинај во Франција на 4 јануари во сите општини на Косово се одржаа протести на кои се бара негово ослободување.