Тренинзите се задолжителен елемент од режимот за здравје, убавина и слабеење, но со нив не треба да се претерува.
Дури професионалните спортисти си даваат одмор, затоа не претерувајте и не тренирајте секој ден.
Зошто?
Се истоштувате: Телото има потреба од одмор и мускулите треба да се обноват, за да може да растат и да се развијат ефикасно. Не е потребно да се „исцедите“ до несвест, за да изгорите калории и да ја зголемите мускулатурата. Во деновите во кои одмарате, едноставно пешачете повеќе или забавувајте се надвор со пријателите – возете ролери, прошетајте се во планина, играјте одбојка итн. Во деновите без тренинг исто така е убаво да одите на масажа, што ја подобрува циркулацијата, ги релаксира мускулите и истовремено го тонизира телото.
Телото привикнува: Во случај дека вежбите ви се од ист тип, телото се привикнува на нив и тие престануваат да функционираат. Убаво е да ги менувате – кардио и тегови, исто така треба да се менуваат за поголема ефикасност. Не одете само во фитнес-салата! Постои и друг начин за тренирање на телото.
Постојан глад: Претерувањето со тренинзите и заморот отвораат апетит. Ако вежбате секој ден, ќе доживувате постојан глад. И ако не сте се консултирале со специјалист, кој ќе ви подготви исхрана и спортски режим, конечно сиот труд може да е неплоден, бидејќи ќе се полните со калории.
Личниот живот ќе страда: Секојдневно одење во фитнес е еден вид манија која полека го „јаде“ вашиот живот. На крајот ќе мислите само за тоа, ќе го усогласувате целиот свој начин на живот (празници, излегување со пријателите, дури и сексуален живот) со вежбањето и конечно ќе се опкружите само со себеподобни, што може да доведе до едноличност.