За многумина денот не може да започне без првата шолја кафе. Има луѓе кои сакаат горко кафе, но повеќето сакаат да го засладуваат.
Меѓутоа, постои една комбинација која е многу штетна по организмот. Експертите велат дека треба да се угледате на малцинството кое пие горко кафе, а судејќи по истражувањата, во него не треба да додавате ни млеко.
Кога млекото ќе се помеша со големи количини кофеин, се зголемува излачувањето на калциум во урината, а голема количина се таложи во цревата.
Казеинот кој се наоѓа во млекото, коагулира во контакт со кофеинот и создава гасови кои предизвикуваат болки и тегоби во стомакот. Освен тоа, нутриционистите велат дека кафето со млеко го блокира метаболизмот и дека е главната причина зошто не можете да ослабнете.
Истото важи и за кафето богато со крема и сирупи кое содржи астрономска количина на калории. На пример, таквите кафиња во мала шолја можат да содржат и до 300 празни калории кои немаат нутритивна вредност и носат поголема штета од корист.
Дури и ако ги избегнувате ваквите видови кафиња, голема е веројатноста дека ќе додадете 1 до 2 лажички шеќер што исто така создава бројни здравствени проблеми како дијабетес.
Ако не сакате да пиете горко кафе, пронајдете алтернатива во природните засладувачи.