Бугарската полиција фатила група што правела фалсификат документи и пари, а меѓу запленетата стока бил и фалсификуван пасош на американскиот актер Силвестер Сталоне.
Пред обвинителството вчера се нашле четворица Бугари кои биле дел од групата која произведувала и дистрибуирала лажни бугарски документи и фалсификувани банкноти, вклучувајќи и американски долари и евра.
Четворицата обвинети биле уапсени во заедничка акција со Европол и американската тајна служба, а биле направени претреси на 30 локации. Полицијта ги пронашла и машините за печатење и опремата за производство на фалсификуваните банкноти и документи.
При претрес на една локација на која оперирале обвиниетите, стан во Пловдив, полицијата запленила големи количини високо квалитетни фалсификувани банкноти од евра и долари, како и лажни бугарски лични карти и возачки дозволи.
„Полицијата заплени и бугарски пасош со фотографија од познатиот американски актер, Силвестер Сталоне, што бил искористен како примерок за презентација, т.е. да ги увери клинетите во високиот квалитет на нивните производи“, се вели во соопштението на обвинителството.