На социјалните мрежи се шири видео од речиси нереална сцена – патнички авион на Air India заглавен под надвозник недалеку од аеродромот во Њу Делхи. Многумина имаа само едно прашање – како тоа се случило?
Според извештаите на индиските медиуми, се работи за авион кој повеќе не се користи и кој бил продаден, а заглавил под надвозникот на автопатот за време на транспортот.
Од Air India известија дека компанијата нема никаква врска со овој настан. Превозот бил организиран од купувачот и најверојатно возачот погрешно ја проценил висината на авионот.
Според NDTV, авионот не го блокирал сообраќајот целосно.
Видеото покажува дека авионот нема крила, што е стандардна процедура кога станува збор за транспорт на отпишани авиони.
On Gurugram-Delhi highway, outside IGI airport ! pic.twitter.com/fLG0FiijkS
— Deepak Sharma (@DeepakSEditor) October 2, 2021