Шетачи на плажа во Англија пронашле скоро еден тон кокаин вреден 92 милиони евра. Кокаинот бил спакуван во водоотпорни вреќи кои биле врзани за спасувачки јакни и лебделе во водата.
Во вреќите имало 960 килограми кокаин, а Мартин Грејс од Националната криминалистичка агенција го опиша откритието како многу значајно.
– Претпоставуваме дека дрогата е од Јужна Америка, но сега се обидуваме да утврдиме како стигнала овде и каде на крајот требало да заврши. Јасно е дека овој пронајдок ќе биде голем удар врз криминалните групи – рече тој. Според Грејс, во истрагата најверојатно ќе бидат вклучени и институциите од другите земји.