Холандската компанија „Студио Рузгард“, предводена од нејзиниот основач Даан Рузгард, почна низа урбани иновации што ги спојуваат уметноста и модерната технологија за создавање урбано и чисто опкружување. Меѓу иновациите се наоѓа и првиот вакуумски чистач за апсорбирање смог што наскоро ќе биде поставен и во Полска.
По првичната инсталација во Ротердам и во Амстердам, а потоа и во Пекинг во 2016 година, првиот чистач на смог доаѓа и во Краков, Полска, за решавање на проблемите со урбаниот смог, со употреба на технологија за јонизација. Проектот што го започна холандската компанија има цел да создаде почист воздух во урбаните области. Висината на оваа иновативна кула е седум метри, а дебелината е 3,5 метри. Користејќи јонизирачка технологија, кулата ги привлекува и апсорбира штетните честички на смогот и го враќа прочистениот воздух назад. Собраните честички од јаглерод што се наталожуваат по прочистувањето на воздухот се компресирани и се користат за правење накит.