Едно лице почина, а 157 се повредени кога авион со 177 патници и шест членови на екипажот слетувајќи по лошо време удри на пистата од 30-ина метри височина на истанбулскиот аеродром „Сабиха Ѓокчен“ во средата ноќта, при што се распадна на три дела и се запали, пренесе телевизијата CNNTurk.
На емитуваните снимки се гледа како авионот со голема бризна се движи по пистата, по што излетува надвор од неа и паѓа во јаз. Кадрите кои ги прикажуваа турските телевизии покажаа како неколку лица се провираат низ голема пукнатина во трупот на авионот и бегаат преку едно од крилата на задниот дел.