Министрите за надворешни работи претпладнево се согласија да додадат уште деветнаесет лица од Венецуела на списокот на санкции поради прекршување на човековите права.
Станува збор за деветнаесет лица инволвирани во репресија, поткопување на демократијата, или прекршување на основните човекови права по изборите во Венецуела од декември 2020, соопштија од Советот на ЕУ.
Министрите на 27-те земји членки на ЕУ кои се сретнуваат денеска во Брисел за редовниот министерски совет за надворешни работи оценија дека лицата кои се додадени на црниот список денеска се виновни за спречување на изборните права на припадниците на опозициските партии во земјата како и сериозни рестрикции врз основните човекови слободи.
Со овие дополнителни деветнаесет лица, вкупниот број на санкционирани Венецуелци изнесува 55. Санкциите се одесуваат на забрана за патување во ЕУ и замрзнување на имот, и, инсистираат министрите, се осмислени за да немаат штетни последици врз населението. Овие санкции можат да бидат отповикани.
Првите санкции на ЕУ кон Венецуела датираат од ноември 2017.