Драги пријатели,
Гласајќи убедливо за СДСМ и коалицијата, граѓаните на Аеродром во декември силно се спротиставија на политиките на ВМРО-ДПМНЕ. На претстојните локални избори во октомври, ве повикувам заедно да ги завршиме промените кои ги започнавме минатата година. Осум години локалната власт на ВМРО-ДПМНЕ предводена од Ивица Коневски, работеше под диктат на Сашо Мијалков и само за бизнис интересите на Никола Груевски и ВМРО-ДПМНЕ.
Преку градежна офанзива и уништување на урбаното јадро и сомнителни бизнис тендери, Коневски и ВМРО-ДПМНЕ ја загрозија животната средина и здравјето на граѓаните. Аеродром е една од најзагадените општина во Македонија и пошироко. Промените ќе донесат нова локална власт која ќе биде многу различна. Наместо проекти исклучиво за бизнис интереси, ќе се реализираат само проекти во интерес на граѓаните.
Наместо негрижа за загадувањето и животната околина, здравјето на граѓаните ќе стане главен приоритет. Наместо уништување на веќе урбанизираниот дел на општината, ветуваме урбанизација на запуштените делови грижејќи се за чиста и здрава животна околина. Наместо недостапност и нетранспарентност, ветуваме општината отворена и во дирекна комуникација со граѓаните. Време е за промени, време е за граѓанска власт!
Фејсбук статус на Златко Марин, претседател на ОО СДСМ – Аеродром