Денеска, носителот на ИЕ 3 и генерален секретар на СДСМ, Љупчо Николовски, ги изненади своите поддржувачи со необична објава на социјалната мрежа Фејсбук, во црвена маичка и од сосема необично и неочекувано место – штанд на ВМРО-ДПМНЕ. Секако, оваа објава на Николовски има една повисока цел, а тоа е да испрати една моќна, натпартиска порака за сплотеност до сите чинители во општеството.
“Кој би рекол. Со црвена маичка на штанд на ВМРО-ДПМНЕ! 😀
Шега на страна, знаете ли што ми е најмачно? Што луѓето семејствата си ги поделија, брат со брат се избришаа за пусти партиски караници. Мора да престане тоа луѓе драги!
Ќе ви кажам нешто искрено. Во таа партија има и чесни луѓе. Со образ. Имам и пријатели. На неброени “вмровци” сум им помогнал, сведоци се, си знаат.
За жал кај нив чесните не доаѓаат до површината. И во СДСМ не се сите перфектни, но владее демократија. Ако работиш чесно и си посветен, ќе бидеш препознаен и поддржан. Во ВМРО не е така.
Но, и тоа ќе се смени. Ќе дојде време кога во двете партии ќе владее демократија и конечно ќе бираме по тоа кој е квалитетен, а не по тоа кој од која партија доаѓа.
Затоа влегов во политиката и ќе се борам за истото до последно!
За крај, поздрав до моите пријатели и познаници од сите партии, ви посакувам се најдобро!” – напиша Николовски на Фејсбук.
ФБ статус на Љупчо Николовски