Нетфликс го објави трејлерот за филмот „Blonde“ заедно со неколку впечатливи фотографии од Ана де Армас во улогата на Мерлин Монро кои покажуваат значајна трансформација на актерката и голема сличност со холивудската икона.
Меѓу фотографиите објавени во Vanity Fair е и една од Ана де Армас со Адриен Броди, кој во филмот го игра сопругот на Мерлин Монро – Артур Милер.
Објавена беше и снимката од Де Армас снимена од режисерот Ендрју Доминик додека таа била покрај актерот Боби Канавале како Џо Димаџо.
Заснован на романот на Џојс Керол Оутс, Доминик го напишал и режирал филмот, кој ги спојува фактите и фикцијата за повторно да го претстави животот на големата холивудска ѕвезда, истражувајќи го јазот помеѓу приватните и јавните личности на Монро.
Филмот за Мерлин е еден од најочекуваните наслови што ќе се натпреварува на филмскиот фестивал во Венеција.