Алина Паш, новоизбраната украинска претставничка за овогодишната Евровизија, се повлекла од натпреварот, по тврдењата дека незаконски патувала на Крим, кој е под контрола на Русија од 2014-та година.
Пош се соочила со надзор од националниот радиодифузер на Украина поради патувањето на кое наводно била пред седум години.
Русија ја презема контролата врз полуостровот во 2014-та година, а патувањето во областа – иако не се препорачува за Украинците – можело да се постигне само преку официјални контролни пунктови во Украина.
Паш доставила официјална документација со која докажува дека таа не влегла на Крим преку Русија, што е недозволено според украинскиот закон, а властите се обиделе да го проверат тоа со граничните службеници.
Паш на Инстаграм напиша: „Јас сум државјанин на Украина, ги следам законите на Украина, се обидувам да ги пренесам традициите и вредностите на Украина во светот“.
„Она во што се претвори оваа приказна воопшто не е она што го внесов во мојата песна“, додаде таа.
Таа вели дека е уметник, а не политичар и дека нема армија од портпароли, менаџери, адвокати за да спротистави на сите напади и притисоци.
„Не сакам повеќе да бидам во оваа валкана приказна. Со тешко срце ја повлекувам кандидатурата за претставник на Украина на Евровизија. Навистина ми е жал“, рече таа.
Нејзиното повлекување доаѓа неколку дена откако Паш победи на националните избори со нејзината песна „Shadows of Forgotten Ancestors“, за која таа тврди дека зборува за историјата на земјата.