Боксерот Мајк Тајсон повторно се соочува со обвиненија за силување.
Жената која го обвинува за ова дело тврди дека популарниот боксер ја нападнал во текот на раните 90-ти години.
Како што пишува во тужбата која е поднесена во Њујорк, боксерот ја силувал во лимузина откако го запознала во ноќниот клуб „Албани“, а потоа патела од „физички, психички и емоционални повреди“. Таа бара отштета од 5 милиони долари.
Ова обвинение се поклопува со обвинението на Дезири Вашингтон која кажа дека Тајсон ја силувал во Индијанаполис.
„Тајсон веднаш почна да ме допира и се обиде да ме бакне. Неколку пати му кажав „не“ и го замолив да престане, но тој продолжи да ме напаѓа. Потоа ми ги соблече панталоните и ме силуваше“, раскажала таа за „Daily Mail“ и додала дека сака да остане анонимна за да нема проблеми.
Како што адвокатот Дарен Сеилбек истакнал, ниту самиот не ѝ верувал на почетокот на оваа жена, но кога ги истражил нејзините наводи увидел дека се веродостојни.
Пораката била испратена и до агенцијата која ја застапувал Тајсон, па се очекува одговор во наредните неколку денови.