Марта Стјуарт (81) е на насловната страница на новиот број на магазинот „Спортс илустрејтед“. Таа влезе во историјата како најстариот модел што се појавил на ваква насловна страница. Стјуарт откри како се подготвувала за снимањето и кои се малите детали од нејзиниот изглед гостувајќи во емисијата „Денес“.
Марта се фотографираше во костим за капење во Доминиканската Република.
„Да се биде на насловната страница на мои години е предизвик, но мислам дека добро го направив тоа“, изјавила таа во емисијата „Денес“.
Ѕвездата од насловната страница повторно е во центарот на вниманието, а со децении ја интригира светската јавност.
„Не се изгладнував, но не јадев леб и тестенини неколку месеци“, рекла Марта Стјуарт завчера во емисијата „Денес“, а потоа продолжила: „Порано одев на пилатес секој втор ден и тоа беше одлично. Сè уште одам на пилатес секој втор ден, затоа што е одлично и јас едноставно живеам уреден живот, добра исхрана, вежбање, нега на кожата…“.