Тамара е во деветиот месец од бременоста и поради тоа веќе почна да има почести контроли во болница. Со неа како најголема поддршка е сопругот Александар кој постојано е до својата сакана која ќе му роди син.
Како што Тамара откри пред неколку месеци, бебето ќе се вика Дарен, а му остана уште многу малку во стомакот на мама за да дојде на овој сввет. Синоќа објавија фотографија од болничката соба за кардиотокографија или CTG преку кое паралелно се следи работата на срцето на бебето и контракциите.
Бидејќи е во 35-тата недела од бременоста, ваквите прегледи ќе бидат зачестени, па многу наскоро можеме да очекуваме убава вест од Тамара. Инаку, пејачката до крајот на бременоста остана активна, но исто така како што вели успеала да добие само 10 килограми повеќе и тоа со балансирана исхрана.