Поранешниот англиски капитен Дејвид Бекам се приклучи на илјадниците луѓе на улиците на Лондон, каде што чекаше повеќе од 13 часа да ѝ оддаде последна почит на британската кралица Елизабета Втора.
47-годишниот поранешен фудбалер на Манчестер јунајтед, Реал Мадрид и на Пари Сен-Жермен даде интервју за британските медиуми, при што призна дека чека од 1.45 часот наутро грицкајќи чипс и крофни и зборувајќи со луѓето околу себе. Тој беше забележан и со солзи во очите откако во минатото неколкупати се сретна со кралицата и во 2003 година доби орден ОБЕ.