Претседателот Ѓорге Иванов планира за директор на Агенцијата за Разузнавање да постави Албанка, во обид да ги добие симпатиите на Албанците, по изјавите во однос на платформата на албанските партии и одлуката да не му го даде мандатот на Заев, дознава Либертас.
Според извори на порталот, планот е за в.д. директор да биде поставена Флора Кадриу или Љуљета Ќуфлиу, и двете вработени во кабинетот на Иванов.
Претходно било планирано на ова место да биде поставен екс-минитерот за внатрешни и сегашен директор на БЈБ, Митко Чавков, но тој во изјава за Либертас ова го демантираше и изјави дека функцијата директор на Бирото за јавна безбедност ја извршува иако ги има исполнето условите за пензија, но ја користи законската можност да остане уште една година.
На сегашниот директор на Агенцијата за Разузнавање, мандатот му истекува на 27 март.