Од Mинистерството за внатрешни работи сè уште нема одговор дали е покрената истражна постапка за полицајците кои минатата недела физички малтретираа еден скопјанец, екс селекторот на македонската ракометна репрезентација, Илија Темелковски. Инцидентот се случи во петокот, на 7 април, кога побаравме и одговор од МВР. Но, освен ветувањето дека ќе добиеме објаснување, до сега нема ништо повеќе. Според Кривичниот законик, злоупотребата на униформата и малтретирањето луѓе во текот на работно време, се казнува со затвор од 1 до 5 години.
Во текот на 2015 година, Одделот за внатрешна контрола на МВР, постапувал по 62 од вкупните 71 поднесок за слични дела. Од оваа бројка, утврдено е дека 46 поднесоци се неосновани, а за 4 лица е покрената истражна постапка или е известено Основното обвинителство….Во петокот, двајца сообраќајни полицајци го запреа Илија Темелковски, го истуркаа зад автобусите на паркингот кај Скопски саем, и како што тврди тој, таму го малтретирале. Тој најави дека ќе покрене обвинение против полициските службеници, но до денеска, нема ништо ново поврзано со овој случај.
Извор: ТВ21