„ВМРО-ДПМНЕ предизвикува тензии и ги „етнифицира“ за да се спаси елитата која е на чело на оваа партија. Македонија нема проблем со меѓуетничките односи, туку со демократијата и тоа им е јасно и на ЕУ и на Западот“, смета директорот на Центарот за студии за Југоисточна Европа при Универзитетот во Грац, Флоријан Бибер. Тој за 360° ги анализираше актуелните случувања во Македонија. Во емисијата, со свој став од Конвенцијата на Прогресивната Алијанса во Берлин ја вклучивме и заменик-претседателката на СДСМ, Радмила Шекеринска, која разговарала со своите колеги од Партијата на Европските социјалисти за проблемите со кои се соочува Македонија.
„Секој што е избран од граѓаните и раководи со инстутуциите наместо да зборува за напад врз Уставот, треба да го брани и да го почитува Уставот“ е коментарот на заменик-претседателката на СДСМ, Радмила Шекеринска на изјавата на Претседателот на Република Македонија, дека се уште не се отстранети пречките за тој да му го довери мандатот на Зоран Заев.
Ознаки: Избор на уредникот