Локалните избори, според Изборниот законик, треба да се одржат најдоцна на 14 мај, а од моментот на распишувањето до одржувањето не смее да има помалку од 70 дена, што значи дека актот за распишување треба да дојде најдоцна до 6-ти март. Со оглед на тоа што не е избран претседател на Собранието, едно од главните прашања е кој ќе ги распише изборите. Можно ли е одлагање и колку гласови требаат во парламентот за такво нешто? Дилема вредна за дебата е и што значи враќањето на избирачкиот спсиок во состојба како пред парламентарните избори, од аспект на квалитетот и кредибилноста на изборите за градоначалници и општински советници.
