Еден често споделуван статус на социјалните мрежи кој гласи – „Светот на младите, Македонија на старите“, кој саркастично укажува на егзодусот на младите од земјава, не поттикна да истражиме има ли кој да се грижи за нацијата која забрзано старее. И што прави државата на тој план? Заклучокот до кој дојдовме е дека состојбата е фрапантна – на околу 300 илјади пензионери во Македонија нема ни илјада легла во домовите за стари лица и за пензионери.
