Денеска координаторот на Форум на жени на ОО СДСМ Крива Паланка, Даниела Велковска оддржа пресконференција по повод најавените а неостварени ветувања на градоначалникот на Крива Паланка, Арсенчо Алексовски.
“Овој објект зад мене е спортската сала која градоначалникот Арсенчо Алексовски и ВМРО-ДПМНЕ осум години им ја ветуваат на граѓаните на Крива Паланка.
Актуелниот градоначалник во првиот мандат вети дека ќе ја доврши спортската сала, а додека бараше втор мандат ветуваше дека таа ќе прерасне во современ затворен базен.
За жал, денес, после осум години владеење на Алексовски не се остварени ниту првото, ниту второто ветување. Ова, како и многу други ветувања останаа само во предизборната програма на Алексовски.
Додека младите луѓе и спортските тимови очекуваат бесплатни и функционални спортски терени и простор за рекреација и релаксација, оваа карабина со текот на годините се распаѓа.
Затоа на Крива Паланка потребни и се итни промени и тие ќе се случат наскоро. По промените на централно ниво, доаѓаат промени и во Крива Паланка. Општината ќе добие нов Совет и градоначалник кои ќе работат единствено во интерес на граѓаните. Новата одговорна локална власт ќе направи вистински реформи на спортски, економски и културен план а Крива Паланка ќе стане посакувано место за живеење”, вели Велковска.
