Управата за јавни приходи ги демантира информациите дека се укинува мерката „МојДДВ“. Од УЈП велат дека не постои одлука за нејзино укинување и дека мерката продолжува да се спроведува континуирано.
„Јасно и недвосмислено истакнуваме дека не постои одлука за укинување на ‘МојДДВ’. Мерката се спроведува редовно, а средствата за нејзина реализација се предвидени во Буџетот за 2026 година“, соопштија од УЈП.
Апелираат граѓаните да не наседнуваат на шпекулации и да ги следат исклучиво официјалните информации и соопштенија на институцијата.