Парите во НБРМ се пари од државните резерви и парите кои ја обезбедуваат ликвидноста на банките, а нам ни требаат надворешни финансиски средства да се вбризгаат во економијата, изјави премиерот Оливер Спасовски во „Само интервју“ на ТВ Канал 5.
Спасовски информираше дека очекуваат да добијат дополнителни средства од помош и донации кои се побарани од страна на Владата и дека тие ќе пристигнуваат.
„Треба максимално да продолжиме да работиме што повеќе финансиски средства да дојдат во буџетската каса. Следната недела ќе ги знаеме точните задолжувања кои ќе ни помогнат да застанеме на здрави нозе за да можеме успешно да се справиме со кризата“, истакна Спасовски.