По година и половина блокада на носење на Законот за аудио и аудиовизуелни медиумски услуги, по година и половина од држење во заложништво на медиумите, добро е што ВМРО ДПМНЕ реши да биде конструктивна и да ги одблокира неопходните законски решенија, велат од СДСм во соопштението до јавноста.
Очекуваме најавената конструктивност на ВМРО ДПМНЕ да продолжи и во процесот на носење на Законот, во неговата имплементација и изборот на телата на АВМУ.
Независноста на медиумите и достигнување на највисоки професионални стандарди се значајна демократска вредност и придобивка за сите граѓани.
СДСМ останува посветена на спроведувањето на реформите што гарантираат слободни, независни и професионални медиуми. – велат од владејачката СДСМ.