Прес конференција, ЛК на СДММ Штип
Никола Рилак, претседател на ЛК на СДММ Штип
Штип, 02.02.2017 год
Почитувани,
Да не ги интересираа само криминали и профити градоначаникот Илчо Захариев и ВМРО-ДПМНЕ во Штип, ќе имаше пари за греење на учениците кои се смрзнуваат во училиштата по распустот.
Почетокот на второто полугодие, учениците и професорите го дочекаа во студени училници – без греење.
Учениците се принудени да носат јакни, шалови и ракавици за време на часовите. Еве погледнете ги овие фотографии што го покажуваат тоа.
Според информациите што ги споделуваат родители, дури и праќаат греалки од дома за децата да не го минуваат денот во студено.
Греењето во училиштата е минимум услов за нормална настава!
Бараме објаснување од Захариев, дали парите наменети за нафта за греење во образовните установи се пренаменети и за што?
Порачуваме дека за сите злоупотреби на пари и штети врз учениците и граѓаните ќе има одговорност.
Штипјани, како и сите граѓани на Македонија заслужуваат и ќе добијат реконструирани, модернизирани и целосно опремени училишта, учениците современи услови за учење, а наставниците достоинствени услови за работа како што доликува на една европска држава во 21-иот век.
