Претседателот на Собранието Талат Џафери утре ќе се појави во ОЈО да даде исказ за „Крвавиот четврток“.
Џафери е повикан како оштетен од немирите во Собранието бидејќи беше дел од нападнатите пратеници во прес-центарот кога насилниците влегоа во Собранието, веднаш по неговиот избор.
Од Собранието велат дека Претседателот ќе се појави на утрешниот распит бидејќи тоа е обврска што ја има секој граѓанин, а пред законот и Уставот сите се еднакви.
Првиот човек на законодавниот дом во интервјуто за ТВ 24 изјави дека колегите пратеници го заштитиле Претседателот на Собранието за да не добие посериозни повреди.