Поранешниот министер за здравство Бујар Османи ќе биде вицепремиер за евроинтеграции, Хазби Лика вицепремиер за рамковен договор, Билент Салиу министер за правда, министерството за економија ќе го води Крешник Бекташи, поранешниот градоначалник на Струга Рамиз Мерко е министер без ресор и екс министерот за земјоделство Садула Дураку ќе застане на чело на министерството за животна средина.
Ова се кадрите на ДУИ кои ќе бидат членови на новата влада предводена од Зоран Заев.
До крајот на денот се очекува конечен договор помеѓу идните коалициони партнери.
Неизвесно е само учеството на БЕСА во новата влада.