Отворена е истрага за евентуално три наместени натпревари од пролетниот дел во Македонската лига, за кои преку телефонската линија за пријавување неправилности на фудбалските натпревари 0800-15-800 е прифатена дојава за недозволено влијание и нерегуларности на истите натпревари.
– Одделот за интегритет во рамки на ФФМ одлучи случајот да го предаде на полицијата од која ќе бара истрага. Органите и телата при ФФМ ќе спроведат истрага, веќе формираа предмети во насока на утврдување на вистината и регуларноста на исходот на натпреварите кои сега се предмет и на МВР, изјави Роберт Марковиќ, раководител на одделот за интегритет и безбедност во ФФМ.