Во најновата “анализа“ на Мирка Велиновска таа го нарекува претседателот Иванов, Македонскиот Караџорџе и се восхитува и е сигурна дека нема да попуштел пред мрачните странски сили да доделел мандат на Заев за да направел албанска влада.
Во текстот таа открива и дека имала средба очи во очи со “учки“ и ги шамарала пред куќниот праг на семејната викендичка во Грчец и дека во инцидентот припомогнал дури и селскиот оџа.
-Бејли, Хојт Ли, Могерини и слични мрачни и матни типови се стравотно уплашени. Пораката до сите нас е да не ни помислуваме на нови избори, попис или референдуми. Ако не сме ги послушале, ќе ни ги испрателе Албанците кои одлично ракувале со оружје и се докажале како борци!? Морони! Па и ние, на пример, јас мајка ми и сестра ми да пројдеме интензивен тренинг како учкиве, ќе станеме ефикасни за борба со учки. Впрочем и без тренинг сестра ми среде мост кај Чичино Село шамараше учки, а јас пред куќна врата во Грчец и пред насобрана публика, та дури мораше мировно да посредува оџата од Kондово.
Да господо, деновиве на нашиот шеф на државата, Ѓорге Иванов, а веројатно и на Никола Груевски, му стигнуваат вакви закани. Изворите за „Дневник“ велат дека треба да очекуваме зголемување на притисокот по состанокот на владата на ЕУ. Интензитетот ќе трае до јуни.
До тогаш новото претседателство во САД ќе ја упокои фамозната ,,дип стејт“. Од него одеднаш сите бараат да ја земе метлата и енергично да исчисти 99 проценти од мочуриштето што ја киднапирало легалната држава. Чистката почнува од тајните служби и агенции, министерството за правда по хоризонтала и вертикала оти вриело од корумпирани судии и обвинители, па конгресот и нарочно сенатот каде што заседнале лобисти – пишува Велиновска за Дневник.