Стефан Влахов Мицов, Солза Грчева, Ивица Јосифовиќ, Мирка Велиновска, елена Мисиркова, Александар Станкоски, Александар Климовски, Јована Кепеска, Зоран Крстевски, Ангел Џамбазоски, Ѓорѓи Спасов, Стојче Десковски, Виолета Ачкоска, Благородна Никодиновска и Цветан Гавровски се предложени членови на движењето „Граѓанска влада“ која е во рпоцес на формирање, објави Дневник.
Ова ново движење вели дека ќе се стави во функција на заштита на граѓаните и на државните и националниинтереси. Му порача на претседателот на Македонија, Ѓорѓе Иванов, по никоја цена да не му го дава мандатот на Зоран Заев за формирање на официјална влада.
– Граѓанската влада, по претседателот Иванов, ќе биде вториот браник кој одлучно, совесно и одговорно ќе застане за заштита и одбрана на граѓаните и државните институции, и сега и во сите други слични ситуации, во кои ќе биде загрозен и ќе биде доведен во прашање, на каков било начин, нашиот идентитет, државните и националните интереси, особености, карактер, нашиот опстој, а исто така и во нормални услови, како насоодветен коректив на институциите во државата – гласи во соопштението.