Пратеникот на ВМРО-ДПМНЕ, Антонио Милошоски, на својот Фејсбук профил реагираше на прес конференцијата на членови на ВМРО-ДПМНЕ кои објавија дека формирале Републички штаб за реформи во ВМРО-ДПМНЕ кој има за цел да ја демократизира партијата.
Од Фејсбук профилот на Милошоски се поставува прашањето дали тој со ова признава дека во време на владеењето на ВМРО-ДПМНЕ, адвокати и други правеле огромни суми пари врз основа на партиската припадност и блискост.
Еве што напиша Милошоски:
Еден адвокат, во добрите времиња во 2013, 2014, 2015-та година како партиски правен застапник на куп државни претпријатија си правел околу 300.000€ годишен приход и си молчел, нит спомнал реформи, ни режим, се му било демократски; членовите не ги гледал, сите функционери ги фалел, а посебно лидерот.., стискање со двете раце!
Денес, секнало изворчето на адвокатот и одеднаш потребни биле реформи и демократија?! Но, на маката, се познаваат и јунаците, и доследните членови и интересџиите. Овие последниве кога имаат интерес викаат “ура”, а кога ќе дојде зорт време викаат “уаа”, свесно правејќи го тоа надвор, пред комшиите и политичките ривали, за штетата врз партијата да биде поголема! Ако.., нека се видат роговите.
