Обвинетите Сашо Мијалков и Бедредин Ибраими се префрлени во затворот Шутка, веднаш по одлуката на Кривичниот совет да го прифати барањето на обвинителката Фатиме Фетаи да им се одреди притвор.
Според одлуката на Кривичниот совет, тие ќе останат во притвор до правосилноста на пресудата. Неофицијално обвинетите се сместени во тнр. хашка соба во Шутка.
Мијалков и претходно беше во Шутка за случајот Таргет Тврдина. Тој беше во куќен притвор за Империја.
Мијалков денеска беше осуден на 3 години затвор, а Ибраими на 4 години и шест месеци за изборни нерегуларности за локалните избори во 2013 во случајот Титаник 2. Сашо Срцев, Анета Стефановска и Влатко Сајковски се осудени на по 3 години затвор, и за нив Кривичниот совет одреди мерки на претпазливост.
Одбраната најави жалба на пресудата.