-Според досегашните материјални докази можеме да заклучиме дека во периодот од 2008 до 2015 година, УЈП и Министреството за финансии не си ја извршувале својата работа, а понатаму овозможувале физички и правни лица противправно да се стекнуваат со материјални средства. Ова е почеток на финансиски истраги кои понатаму ќе се прошируваат. Ги охрабруваме граѓаните да соработуваат со нашето обвинителство, бидејќи овие малверзации влијаат директно на осиромашување на граѓаните, изјави специјалната обвинителка Катица Јанева во најавата за денешната прес конференција на која беа презентирани четири нови истраги.
