Поранешниот претседател на Уставен суд, Трендафил Ивановски, за Алсат-М вели дека Талат Џафери на позицијата претседател на Собранието е избран согласно Уставот, законите и деловникот за работата на Собранието. Затоа, тој очекува новиот претседател Талат Џафери да продолжи со собраниската седница, да се формираат собраниските комисии и да се стави крај на ова политичко лудило а Собранието да се врати на нормала.
Ивановски очекува кај веќе поранешниот спикер, Трајко Велјановски да преовлада разумот и да овозможи примопредавање на кабинетот за ситуацијата да не се заострува уште повеќе.
Според Ивановски, од огромна важност е што побрзо да се создадат услови, новото мнозинство да формира влада и без да се губи времето земјата да се врати на вистинскиот колосек и на евроатланската агенда.