НОВОСТИ
ima-idnina-2

Има иднина: Заев да ја формира новата влада во најкус можен рок

4 март , 2017

“Има иднина“ ја поздравува одлуката на политичката партија ДУИ за учество во новата Влада на РМ предводена од СДСМ и Зоран Заев.

„Има Иднина“ целосно ја осудува деконструктивната и антидржавна политика на ВМРО-ДПМНЕ поддржана од корумпираната пропагандна медиумска машинерија која манипулира и им влева неоправдан страв на граѓаните.

 „Го повикуваме Зоран Заев со коалициските партии уште во понеделник да го консолидира парламентарното мнозинство и да се формира новата влада во најкус можен рок. Една од првите задачи на новиот парламент покрај формирањето влада треба да биде покренување процедура за отповикување на лицето Ѓорѓе Иванов од позицијата претседател, преку која и нанесува ненадминливи штети на државата“, се наведува во соопштението на „Има иднина“.

Оттаму ги поздравуваат напорите на Европската Унија, особено на Германија, како и на САД и НАТО во континуираните обиди за наоѓање излез од политичката криза преку постигнување политички договор.

„Сметаме дека реакциите на Министерството за надворешни работи на Русија во однос на македонската криза кои го охрабруваат кршењето на Уставот на Македонија не се конструктивен пристап кон разрешување на политичката криза во Македонија“, велат од „Има иднина“.

ПОВРЗАНИ ВЕСТИ

e