ПЈР Македонија има добри шанси да ги почне преговорите за членство со Европската Унија штом ќе биде спроведен договорот со Грција, порача еврокомесарот за проширување, Јоханес Хан.
-Моментално, според бројот на отворени поглавја, први се Србија и Црна Гора. Но Македонија исто така има добри шанси да ги стигне откако ќе биде исполнет договорот со Грција, рекол Хан во интервју за германскиот весник „Ханделсблат“, додавајќи дека 2025-тта е амбициозна, но не е недостижна цел за земјите од Западен Балкан.
-Не би сакал да споменувам конкретни датуми, но 2030-ттата би било многу далеку за да се мотивираат земјите кандидати да ги зајакнат своите заложби, изјавил Хан нагласувајќи дека кога кандидатите ќе испорачаат резултати и ЕУ треба нешто да испорача кон нив.