Главна причина за сообраќајката кај Ласкарци е недозволена брзина, поради која возачот изгубил контрола над возилото и неисправност на кочниците, кои функционирале само делумно, а не според пропишаниот стандард, информираше ОЈО.
Ова го утврдила едномесечната истрага на Основното јавно обвинителство Скопје за катастрофалната сообраќајка. Како што денес соопшти на прес-конференција обвинителот Сашо Рајчев, за сообраќајката приведени се 6 лица, меѓу кои и возачот на автобусот.
