На штанд пред Градскиот парк во Крива Паланка, младите социјалдемократи денес делеа флаери и со понуден топол чај и во меѓусебен разговор им ги презентираа на граѓаните мерките од програмата на СДСМ.
Од Локалниот клуб на СДММ информираат дека повозрасните граѓани најголем интерес пројавиле за покачувањето на минималната плата, начинот како ќе се враќа 15% од платениот ДДВ, укинувањето на радиодифузната такса, преполовувањето на казните, додека помладите се информирале за мерките кои ќе го спречат иселувањето токму на младите, потоа за укинувањето на екстерното тестирање, неповратните 10 илјади евра за секоја добра бизнис идеја, кои секој млад човек ке ги добие како помош од државата за отворање на сопствен бизнис, кредитите до 15 илјади евра со само 1% годишна камата како и за отворањето на фирма за само 1 евро капитал.
