Дополнителниот заменик министер за труд и социјална политика, кој минатиот викенд лумпуваше низ скопските улици и предизвика две сообраќајки па со трчање избега од полицијата, по повеќе денови конечно се појави на јавен настан.
Сепак, се работи за партиска активност, односно тој денеска е во салата Борис Трајковски каде се одржува годишната конференција на Унијата на жени на ВМРО-ДПМНЕ.
По сообраќајките и бегството тој единствено се појави на интервју на ТВ Нова на бизнисменот близок до ВМРО-ДПМНЕ, Сеад Кочан, каде се жалеше на полициско-криминална местенка и не признаваше ништо од официјалната верзија на полицијата за настаните.